A Firefox Alternative

Mozilla Firefox browser most popular aur sabse zyada use kiye jane wale browser me se ek hai. par aajkal itne browser market me aa rahe hain ke user confuse ho jate hain. sabse ache browser ki agar baat karein to unme Chrome, Firefox aur IE ke naam sabse pehle aate hain.

isse pehle bhi main kuch browser par post de chuka hu jinko aap yahan dekh sakte hain. aur ye sabhi kaam bhi acha karte hain. aaj bhi main aise hi browser ki baat kar raha hu jo firefox ka ek acha alternate hai. iska naam bhi firefox ka antonym rakha gaya hai Waterfox. maine iske baare me padha hai jisme iski kafi tareef likhi thi, par abhi personally maine ise use nahi kiya.

ye 64 bit par kaam karta hai. aap ise ek baar try karein ho sakta hai pehle se kuch acha surfing experience ho.

yahan se download karein

take care freinds

Read More

Some Handy, Secret Shortcuts For Your Browser

Internet par surf karte waqt time save karne ke baare me aapka kya khayal hai, Aaj main apko kuch aise useful shortcut batane wala hu jo net surfing ke waqt apka time save karenge aur apki productivity ko increase karenge. Aur ye sabhi shortcut kisi bhi browser par kaam karenge.

chaliye jante hain un shortcuts ke baare mein.



1. Ctrl+Tab
aap jis tab par hain usse right tab par ye shortcut apko le jayega, agar aap left tab par aana chahte hain to  Ctrl+Shift+Tab ka use karein.

2. Ctrl+Shift+T
Agar aapne accidentally koi tab close kar di hai to aap is shortcut se use reopen kar sakte hain.

3. Ctrl+L
Aap kisi bhi page par hain aur apko koi address type karna hai to is shortcut ka use karein ye direct address bar ko highlight karega.  Alt+D ya F6 se bhi aap aisa kar sakte hain.

4. Ctrl+Enter
ye kisi bhi website me "www." aur ".com" add kar deta hai, agar apko mera blog dekhna hai to aap address bar me sirf type karein "shazanzahid" aur is shortcut ka use karein.

5. Ctrl+E 
Kisi bhi query ko search karne ke liye iska use kar sakte hain.

6. Alt+Home
ye shortcut ya to apke homepage ko ya fir ek nayi tab open karega. in dono me se kya open hoga ye apke browser ki settiing par depend karta hai.

7. Ctrl+O
hard drive se koi bhi file agar aap browser me open karna chahte hain to iska use karein.

8.  Ctrl+J
Agar aap ye janna chahte hain ke apne kitni files download ki hain aur kab ki hain to ise use karein ye apke browser ki download history ko open kar dega.

9. Ctrl+Shift+Del
kisi bhi browser ki history ko clear karne ke liye sabse easy way.

ummid hai ye shortcuts apko pasand ayenge, inhe apne freinds ke sath bhi share karein.

take care freinds

Read More

How To Get Info Of A Computer System

Jab bhi aap apne pc ya laptop ki configuration janna chahte hain to my computer par right click karke uski information le lete hain.

par wo bhi puri information nahi hoti agar aap apne computer ko achi tarah se janna chahte hain to uske liye softwares aate hain jo computer info batene me apki help karenge par jo tarika main aapko bata raha hu usme apko kisi software ki zarurat nahi padegi

bas apko run command open karke usme type karna hai dxdiag , aur enter karte hi apke samne apke system ki sari information hogi. simple!!!!!

take care freinds

Read More

Another Video Player For Windows

Yun to bahut sare video players ke baare me aap jante honge par kuch hi video players aise hain jo sabhi video format ko support karte hain. aur aajkal mostly movies dual audio me hoti hai to bahut se players dual audio ko support nahi karte.

Mplayer aisa video player hai jo dual audio aur hd video dono ko support karta hai. aap ek baar ise try zarur kijiye.

yahan se download kijiye

Read More

How To Add An Image In Mp3

Mostly jo bhi mp3 files hum download karte hain to unhe play karne par us mp3 ki album photo hamein dikhti hai, agar apko window media player me album photo nahi dikhti hai to aap right click karke Album Art select kar sakte hain. aur agar aap vlc me koi mp3 play karenge to wo by default uska album cover hi dikhayega.

ab sawal ye aata hai ki aap khud koi bhi photo kis tarah mp3 me embed kar sakte hain? to iska jawab ye hai ki ek chhote se software ki help se aap aisa kar sakte hain. is software ka naam hai Mp3tag.

sabse pehle ise download kijiye

ab ise install kijiye aur run kijiye. uske baad Add directories par jakar mp3 folder ko browse karke ok kijiye.

Saare mp3 load ho jane ke baad kisi bhi Mp3 file ko select karenge to uske sare tags dikhayi denge jinhe aap chahein to edit kar sakte hain. aur album cover niche dikhayi dega jise change karne ke liye us par right click kijiye aur add cover par click kijiye. fir jo image(jpg, jpeg or PNG) aapko lagani hai use browse kijiye use select kijiye aur tag ko save kar dijiye.

Ab jab bhi aap us Mp3 file ko play karenge to jo image apne lagayi thi wo hi player me dikhayi degi.

Enjoyy yourself

Read More

How To Cut A Video From DVD or CD

Aap soch rahe honge ki isme kya naya hai agar hamein kisi movie se koi particular scene ya song chahiye hota hai to use alag karne ke liye bahut se CD aur DVD cutter available hain jo thik thak kaam bhi kar lete hain, par agar aap bina kisi software ko install kiye bina koi song cut karna chahein ya aapke paas kisi tarah ka video cutter nahi hai to aap fir bhi aisa kar sakte hain. bas aapke system mein VLC player hona chahiye.

VLC player best open source software hai jo bahut jaldi popular ho gaya hai aur ye hai bhi kamaal ka. ek video player hone ke sath sath isme aise function hain jo abhi tak kisi player mein nahi dikhte. jaise ki hum aaj baat kar rahe hain kisi movie ya video se koi khas scene ya song cut karne ki.

To chaliye dekhte hain kis tarah se hum VLC player ko video cutter ki tarah use kar sakte hain.

sabse pehle VLC open karein aur usme View tab me jakar Advanced Controls par click karein. aisa karne se niche pallatte par kuch extra buttons aa jayenge.

fir uske baad koi bhi video play karein aur jo song ya scene apko chahiye uske shuru hote hi niche record(red) button par click karein isse wo song record hona start ho jayega aur jahan apko song rokna ho fir se record button par click kar dijiye.

Ab apka song record ho chuka hai aur wo apko My Documents ke My Videos folder me milega. aap jo bhi recording karenge wo file apko .mp4 format mein milegi. video ki quality source file ke jaisi hi hogi.

take care friends

Read More

Get All companies APN(Access Point Name) here.

Aajkal bahut log apne pc par 3G dongle(USB device) se net use karte hain, aur aise bahut se dongle market mein available hain jinme aap kisi bhi company ka sim dalkar net use kar sakte hain.

Par aisa karne ke liye pehle to sim me internet data hona chahiye aur dusre us company ke APN(Access Point Name) ki jankari honi chahiye. kyunki jab tak aap dongle me APN ki settings nahi karenge net use nahi kar payenge.

Kuch log APN ki settings customer care se baat karke le lete hain par kuch logo ko iski jankari kahi se bhi nahi mil paati, isliye main apke liye sabhi company ke APN de raha hu jiski settings aap dongle ke connection settings mein karke net use kar payenge aur apko customer care par baat karke time waste karne ki zarurat bhi nahi padegi.

Agar aap mobile par net use karte hain to easily apne handset ki settings aap company se manga sakte hain par agar in APN ko simply mobile ki net settings me jakar likhenge to aap apne mobile par bhi net use kar payenge tab aapko alag se mobile ke liye settings mangane ki zarurat nahi hogi.

Service provider     Dial number                  APN                     User name        Password

3G BSNL                    *99#                         BSNLNET                  Blank                Blank

AIRTEL                       *99#                   AIRTELGPRS.COM        Blank                Blank

AIRCEL                      *99#                     AIRCELGPRS                Blank                Blank

VODAPHONE            *99#                         WWW                        Blank                Blank

RELIANCE                 *99#                     SMARTNET                   Blank                Blank

IDEA                           *99#                       INTERNET                   Blank                Blank

TATA DOCOMO       *99#         TATA.DOCOMO.INTERNET    Blank                Blank

VIDEOCON GSM      *99#              VINTERNET.COM                Blank                Blank

UNINOR                     *99#                    UNINOR                          Blank                Blank

MTNL Mumbai          *99#               MMSMTNLMUM               MTNL            MTNL123

MTNL Mumbai(P-2)  *99#              GPRSMTNLMUM              MTNL            MTNL123

Mere khayal me aapko ab kisi bhi sim se net chalane me koi problem nahi hogi. Aur ab main apko aisi website par le chalta hu jahan aap poore world ki sim companies ke APN dekh payenge. to yahan click kijiye aur website ko check kijiye.

take care freinds

Read More

Increase Your Website Traffic, Facebook likes,Twitter follower & Google+ circles etc

Freinds kal hi mere exams khatm hue hain. Waise ab study ka burden nahi hai to maine socha aaj kuch post likhi jaye shayad aap logo ka intazar kafi lamba ho gaya, main kafi dino se online nahi tha to meri website par bhi kuch problems ho gayi hain mujhe unhe bhi thik karna hai, aap shayad dekh bhi paa rahe honge.

par ab sabse pehle baat karte hain aaj ki post ki. Agar aapne facebook par koi page banaya hai aur aap uspar apko like nahi mil rahe ya fir aapke twitter par follower nahi ban pa rahe ho to aap dusre tarike se apne like aur follower ya subscriber increase kar sakte hain.

aisi bahut sari websites mujhe mili jo likes,followers aur website traffic increase karne me apki help karti hain par, unme se do website sach me acha response deti hain. jinme se pehli hai addmefast aur dusri hai youlikehits aapko in websites par jakar apna account create karna hoga aur apne points banane honge, ye points aapko daily login karne par hi milte rahenge, par agar aap zyada point banana chahte hain to apko dusro ke page par likes karne honge ya kisi ko follow karna hoga aur kisi ki website bhi dekhni hogi. isi tarah aap bhi apna page ya website wahan daaliye aur uske liye kuch point decide kar dijiye. isse dusre bhi apne points banane ke liye apke page ko like karenge.

aap website par jakar account create karenge to aage khud hi samajh jayenge ki kya karna hai.

to abhi jaiye aur account bana kar shuru ho jayiye, isme apko kuch time to consume karna hi padega. aur universal truth bhi hai ki kuch paane ke liye kuch khona padta hai.

Take care freinds

Read More

Celebrate The Festival With Love and Peace

Freinds maine apne aap se ye commitment kiya tha ke november tak net use nahi karunga.(kyunki november mein mere exams hain)

lekin Abhi abhi eid ki namaz padhke aaya to socha eid ki chutti me to post likh hi sakta hu isliye apni commitment tod kar likhne baith gaya post.

Lekin Aaj ki post mein koi technology ki baat nahi karunga, Aaj main apne sabhi readers ko thanks bolna chahta hun jo mujhe itna pyar dete hain aur sabhi ko Eid ki bahut bahut mubarakbad deta hu. aur main kuch readers se sorry bhi bolna chahta hu ke main unki queries ka jawab nahi de pata. Actually jab bhi main apna facebook account ya Mail id login karta hu to mujhe itne msgs aur mails milte hain ki agar main un sabko reply karne lagunga to apna baaki kaam nahi kar paunga. Isliye kuch logo ko hi reply kar pata hu. abhi bhi bahut se mail aur msgs hain jo pending hain aur main abhi tak unhe padh nahi paya. lekin free hone ke baad try karunga ki zyada se zyada queries solve kar paaun. aur aapke saamne wo stuff laaun jo aap chahte hain.

Ek baar fir se aap sabko Eid ki bahut bahut mubarakbaad deta hu. Aur aap sab se request karta hu ke Burma aur Assam me jo kuch ho raha hai us sab ke khatm hone aur poori duniya me shanti ka mahol ban jane ki dua karein. Kisi bhi Afwah par dhyan na dein, jazbat me aakar koi qadam na uthayein, kyunki koi bhi religion aur Uske Festivals sirf Pyar se rehne aur pyar dikhane ko kehte hain. Ummid hai aap log mujhse agree karenge aur poori insaniyat ke liye dua karenge.

Take care freinds enjoy the festival :)

Read More

How To Watch Youtube Videos on Slow Connection

Youtube par to sab hi video dekhna pasand karte hain kyunki ye ek itni huge community ban gayi hai ke apko yahan par har tarah ka content available hai, jaise Movies, Tv shows, Songs, Tutorials etc.

Ab jin logo ke paas fast internet connection hai unhe to koi problem nahi lekin jo slow connection se net use karte hain unke system par shayad hi koi online streaming video chal pati ho. kyunki streaming video ke liye fast receiving chahiye jo slow connection nahi de pate. Ab aise me ya to log video ko download kar lete hain ya fir video ko open karke uske buffer hone ka wait karte hain aur jab wo puri tarah se buffer ho jati hai tab video ko play karte hain, ye dono hi time consuming hain.

Ek tarika hai jisse ap slow connection par bhi bina buffering ke video dekh sakte hain, jiske liye apko vlc player ki zarurat hogi. ye sabse badhiya freeware player hai jo sabhi format ko support karta hai aur sabhi users isko achi tarah se jante bhi honge lekin agar apke paas ye player nahi hai to yahan jakar download kar lijiye.

Ab sabse pehle apko http://m.youtube.com par jana hoga. Site open hone ke baad jo video aap dekhna chahte hain use search kijiye aur us video par click kijiye.

Video par jakar Right click kijiye aur Copy Link Location / Copy link address par click kijiye

Ab Vlc player ko open kijiye aur Media mein jakar Open Network Stream par click kijiye jaise niche image mein hai ya fir Ctrl+N shortcut key ka use kijiye.

Ab jo nayi window open hogi usme video ka url paste kar dijiye, jo apne pehle hi copy kiya hua hai, aur niche play button par click kijiye.

kuch second baad apki video play ho jayegi.

lekin is tarah se play hone wali videos ki quality itni achi nahi hai aur aisa isliye hai kyunki ye youtube ka mobile version hai jise hum PC par use kar rahe hain. lekin jaisa ki aap log jante hain english mein ek Quotation hai "Something is better than nothing." aur ab mujhe aage kuch aur bolne ki zarurat nahi hai aap samajh hi gaye honge.

And In last but not the least.
I Wish you all A VERY HAPPY FRIENDSHIP DAY

Read More

Iron Browser- An Alternative to Chrome

Sabhi log zyadatar Google chrome, Mozilla Firefox, Opera ya Internet Explorer hi use karte hain. aisa isliye hai kyunki dusre browser ke baare me logo ko kuch khas pata nahi. agar pata ho to shayad unhe bhi use karein.

Agar aap Google Chrome use karte hain to apke liye ek aisa browser hai jo Chrome ka acha substitute ho sakta hai. Is browser ka naam hai Iron Browser.

Ye bilkul Chrome ki tarah kaam karta hai, isliye Chrome users ke liye to ye freindly hai hi sath me un logo ko bhi ye pasand aayega jinhone kabhi Chrome use nahi kiya. jab aap ise use karenge to khud hi iski speed ko jaan jayenge.

ek baar try zarur kijiye warna apke paas apke purane browser to hain hi.

Yahan click karke Download karein

Portable version ke liye yahan click karein

Take care freinds

Read More

A Flash Video(flv) Joiner

Youtube ne kafi dino pehle full length movies ki service start ki thi. jisse youtube par full length movies dekhna asaan ho gaya.

Lekin yahan par bhi sabhi movies nahi mil pati aur kuch movies aisi hain jinhe parts me dekhna ya download karna padta hai. to aise alag alag parts ko join karne ke liye aap is tool ka use kar sakte hain. ye FLV joiner sirf Flash videos ko hi support karta hai.

sirf 32kb ka chhota sa portable software hai. yahan click karke download kijiye.

Take care friends

Read More

Some Bollywood Movies In HD

Movies dekhna kise pasand nahi hai, main bhi jab bhi thoda free hota hu to koi achi si movie dekhna pasand karta hu.

Lekin koi bhi movie dekhne ka maza tab hi hai jab wo Original/blu-ray/HD print me ho. Main kuch aisi hi bollywood movies laya hu jo HD print me hain, apko dekhne me maza ayega.

Photos ki niche usi film ka downloadable link hai.

Click here to download

Click here to download

Click here to download

aur akhir me ek baat batana chahta hu ki kisi bhi public sharing site par host file thode dino baad wo website khud hi remove kar deti hai. isliye ye sab file kuch dino baad remove ho jayengi aur inke link kaam nahi karenge. isliye jo movie apko dekhni ho usko jaldi hi download kar lijiye.

Take care freinds

Read More

The Place For Consumers(Submit Your Complaints)

Abhi pichle dino mere mobile balance se 45rs deduct ho gaye aur mujhe msg mile ke aapne apne no. par callertune subscription activate kiya hai jiska charge 30 per month aur callertune download karne ka charge 15 rs hai. ye sab dekhte hi mobile company ko bahut si galiyan dene ka man kiya, maine customer care par call ki aur baat ki to bola sir ye apne khud hi lagayi hai aur isliye iska charge laga hai.

maine usse kaha ki main mobile me lock laga kar rakhta hu aur koi aisa chhota baccha bhi nahi jo mere piche mobile ko koi button daba de aur sabse badi baat mobile meri hi pocket me rehta hai to fir ye service kaise lag gayi?? maine kaha ye service deactivate karo aur mera balance refund karo to bola sir ye service apne hi lagayi thi to iska balance apko wapas nahi milega.

itna sunkar mera temper loose ho gaya aur maine kaha tu kaun hota hai ye kehne wala mujhe paise wapas nahi milenge tujhe customers ki query solve karne ke liye baithaya hai aur jis kaam ki salary tu le raha hai use thik se kar, itna sunkar wo bola sir aap thik se baat kijiye nahi to mujhe call disconnect karni padegi.

Maine usse uska naam pucha to pehle thoda ruka aur fir apna naam bataya, fir main usse bola apni employee ID batao to wo ekdum sak paka gaya aur bola sir meri ID se apke balance ka kya relation?? maine kaha tumhare aur tumhari company ke against Consumer court me case karunga aur TRAI me bhi tumhari complaint karunga.

fir wo ekdum se narm pad gaya aur bola sir apka kitna balance deduct hua hai?? maine kaha 45rs. bola sir hold kijiye main apka balance refund kar raha hu 48 hours me apko mil jayega. main bola mujhe balance abhi chahiye mujhe abhi urgent call karni hai aur agar tumse meri problem solve nahi hoti to apne kisi senior ko meri call proceed karo.

to kehne laga sir aap balance check kar lijiye maine yahan se balance send kar diya hai. maine balance check kiya to pura balance aa chuka tha.

Aisi hi problem aapke sath bhi shayad hoti ho jab bina kuch kiye hi koi bhi service activate ho jati hai aur balance deduct ho jata hai.

Ye ab mobile companies ki policy ban chuki hai wo customers ko pareshan karte hain. jo himmat karke bol gaya to uska balance refund ho jata hai warna gaya apka balance.

agar apke sath bhi aisi koi problem aa rahi hai aur apko bewajah pareshan kiya ja raha hai to aap in companies ya aur bhi kisi problem ki complaint is site par kar sakte hain jiska naam hai Grahak Seva.

Upar website ka link hai agar aap complaint submit karna chahte hain to yahan karein.

Freinds jo hamara haq hai wo hamein milna chahiye aur in sabhi companies ki manmani mat hone dijiye.   himmat karke boliye, agar aap shuruaat nahi karenge to koi aur karega.

Take care freinds

Read More

How To Skip Ads On Youtube

Youtube par video dekhte waqt ads ka aa jana aajkal ek problem banta ja raha hai. koi bhi video ko dekhne se pehle hamein ads dekhne padte hain. aur kabhi kabhi to isme bahut gussa bhi aata hai.

Inme kuch ads to aise hote hain jinko 5 seconds chalne ke baad skip kiya ja sakta hai lekin kuch ko to skip hi nahi kiya ja sakta. in sabhi ads ko na dekhne ke liye kuch solutions hain dekhiye aapke liye kaun sa helpful hai.

1. Skip Ads by F5- Aap simply F5 se ad skip kar sakte hain apke F5 hit karne par page refresh ho jayega aur iske baad video se pehle koi ad play nahi hoga.

2. By the Extension of Chrome- Agar aap Google Chrome user hain to aap iske liye ek extension chrome me Add kar sakte hain jo youtube par aane wale ads ko disable kar dega.

3. By the Extension of Firefox- sabhi firefox users apne browser ke liye ek Add-on download kar lijiye jiske help se youtube ke ads ko aap skip kar sakte hain.

Take care freinds

Read More

How to fix "server's security certificate is not yet valid" (SSL) error

Ho sakta hai aap logo ke samne bhi ye problem aati ho, jab net surf karte waqt koi bhi page open karte hain to connection error ka message aa jata hai aur bahut si website surf karne se pehle proceed karne ke liye kehta hai. aur uske baad bhi website ke links thik se open nahi hote ya site hi open nahi hoti.

Is error ka solution bahut hi simple hai bas aapko Taskbar me time ko Adjust karna hai.

ye problem mostly isi wajah se hoti hai ke windows install karte waqt hum date aur time ko Adjust nahi karte aur aise hi aage badh jate hain.

Time aur date ko current par Adjust karne ke baad jab aap surfing karenge to aisi koi error nahi aayegi.

Help ke liye aap ye video bhi dekh sakte hain.



Take care freinds

Read More

Check, if your yahoo account has been hacked

Apko shayad maloom ho ki ek hackers group ne yahoo ke lagbhag 4.5 lakhs account hack kar liye hain. aisa pehle business social site linkedin ke sath bhi ho chuka hai.

sabse pehle main apko bata du agar apke pas koi unwanted mail aata hai to use open mat kijiye.  time to time apna password change karte rahein. iske alawa agar kisi mail me apko koi offer diya gaya hai to us link par bhi click mat kijiye aur apni personal information kisi se bhi share karne se pehle ek bar achi tarah soch lein. Aur ye bhi yaad rakhiye agar koi account hack hota hai to usme us account holder ki bhi kahi na kahi galti zarur hoti hai. isliye koi galti mat kijiye.

Ab apne account ko verify karne ke liye is site par jayein aur apna email address type karein jiske baad ye website hacked ho chuke passwords se apka password match karegi aur apko batayegi ki apka password safe hai ya nahi.

https://shouldichangemypassword.com/

take care freinds, be safe

Read More

How to solve "USB Device Not Recognized" problem

Aisi problem aksar tab hi dekhne me aati hain jab USB port physically Damage ho jata hai, agar aisa hai to jab tak USB port(Hardware) change nahi hoga ye problem solve nahi hogi.

lekin kabhi kabhi sab kuch thik hone par bhi aapko is tarah ka msg dikh jata hai.

Abhi kuch din pehle mere sath ye problem ho rahi thi to maine socha iske drivers me virus ki wajah se koi file missing hai isliye maine drivers uninstall karke reinstall kiye lekin problem solve nahi hui.

Fir maine windows repair ki lekin tab bhi problem solve nahi hui. aur jitne maximum tarike mujhse aate the maine sabhi  try kiye lekin uske baad bhi agar main usb port me external media lagata tha to yahi error message dikha raha tha.

Lekin ab main apko batata hu kis tarah se ye problem solve hogi. Aap sirf apne system se power cable ko unplug kar dijiye aur thodi der baad fir laga dijiye. aur ab aap dekhenge ke usb port me usb lagane par koi error message nahi aayega.

Aisa isliye hota hai ke system ke saare main connection (including USB) Motherboard me hote hain aur system shutdown karne ke baad bhi Motherboard active rehta hai aur connection disconnect nahi hote wo bhi sirf power cable ki wajah se. isliye jab aap thodi der ke liye power cable ko nikal kar laga denge to sare connection automatically Motherboard me Reinstall ho jayenge.

Take care freinds

Read More

How to take screenshots without any software.

Screenshots lene ke liye bahut se softwares aur applications aur online services hain jinme se ek ka zikr maine apni pichli post mein bhi kiya tha. lekin screenshot lene ka sabse asaan tarika main aaj aap sab ke sath share kar raha hu.

bas aapko itna karna hai ke jis screen ko apko capture karna hai use display par lakar keyboard se Print Screen button ko hit kijiye. aisa karne se display par jo bhi image hogi wo clipboard me copy ho jayegi. ab aap simply Paint program (start>All Programs>Accessories>Paint) open kijiye aur Ctrl+V hit kijiye. ab file ko JPEG format me save kar lijiye.

lijiye ho gaya ab aap chahein to ise photoshop se crop ya editing kar sakte hain.

Take care freinds

Read More

Introducing the Social Network from Microsoft

Facebook aur Google to pehle se hi apni social websites bana kar ek dusre ko competition de rahe hain. ab is competition me ek naam aur aa gaya hai. windows operating systeme banane wali  company Microsoft ka.

Ji han freinds social networking ke world me Ab Microsoft ne bhi poori tarah se apne aapko stand karne ka plan kar liya hai. Apni nayi social website lakar. jiska naam bhi hai so.cl

aap bhi jayiye aur dekhiye kya naya milta hai isme. Aap apne existing Facebook ya window account se login kar sakte hain. ho sakta hai aane wale time me shayad ye hi ek naya revolution la de jaise Microsoft ne Windows ko lakar kiya tha. ek baar try zarur kijiye.

take care freinds.

Read More

How to Capture Good Qualities Photos with your Mobile camera

Multimedia mobile phones ki wajah se digital cameras market se out hote jaa rahe hain aur abhi pichle dino hi maine padha ke KODAK jo ki Camera world me ek jana pehchana naam hai insolvent ho chuki hai.

Ab jabki mobile phones me zyada megapixels, better quality lenses, storage space, resolution, video capabilities aur flash jaise facilities mil rahi hain to koi bhi digital cameras ko prefer nahi karta. lekin bahut se log sochte hain ki mobile se ache photos nahi liye ja sakte jabtak usme 8 ya 16 megapixels camera aur flash na ho. Par main apko batana chahta hu agar apke paas 3 ya 5 megapixels ka camera phone hai to wo ache photos lene ke liye kafi hai. Bas ek baat dhyan rakhiye ke "sabse acha camera wo hai jo apke paas hai."

Main agar apni baat karu to mere paas koi digital camera nahi hai lekin main jab bhi apne aapko kisi aisi situation me paata hu ke mujhe koi scene frame me lena hai to main simply apne NOKIA C5-03 se photos capture kar leta hu jisme 5 Megapixels camera hai. Ache photos ache camera ki wajah se nahi balki ache photographer ki wajah se aate hain. aur mujhe apne photos ki quality ka koi dar nahi hota kyunki main janta hu photos main khud shoot kar raha hu.

To ab baat karte hain ke kis tarah ek less megapixel camera se ache photos liye ja sakte hain. bas kuch batein hain jinhe dhyan me rakhkar aisa kiya ja sakta hai.

1. Settings- Kabhi bhi Mobile camera ki default settings se photo mat lijiye. settings apne hisab se kijiye. Flash ki agar zarurat nahi ho to use off rakhiye kyunki kabhi kabhi zyada light ki wajah se photos ache nahi aate. agar aap ghar ke andar hain ya raat ka waqt hai to flash ki zarurat hogi. fir bhi main apko suggestion dunga ke ek hi situation me sabhi mode se photos lekar check kijiye ke kis mode me photos ache aate hain aur settings usi hisab se kijiye.

bahut se Mobile me camera resolution change karne ka option hota hai use hamesha maximum par hi set kijiye.

2. Lights- Photography me light ka sabse main role hota hai, ya yun kahiye ke ye sirf roshni ka hi khel hai. koi bhi photos lete waqt is baat ki sabse zyada importance hai ke aapke chaaro taraf jo light hai use aap kis tarah use karte hain. kisi bhi camera phone se ache photos roshni ke bina nahi liye ja sakte.

photos shoot karte waqt hamesha dhyan rakhiye ke roshni camera ke piche ho samne nahi. aur agar camera mein white balance feature hai to use Auto mode par rakhiye.

3. Hold it seady- Bahut se logo ko camera phone se ye shikayat hoti hai ke unke photos blur yani dhundle ho jate hain. ye sab camera ki shutter speed slow hone ki wajah se hota hai. ya aisa isliye bhi hota hai ki mostly mobile camera me shutter sound aur actual click me kuch der ka fark hota hai. aur in between agar camera hil jata hai to photos dhundle ho jate hain.

To jab bhi aap photo le rahe ho to camera ko bina hilaye pakadne ki koshish karein aur click karne ke kuch second baad tak use aise hi pakde rahein. iske liye aap kisi cheez ki support bhi le sakte hain jaise kisi deewar ya table ki.

4. Avoid zooming in- Sabhi camera phones mein mostly jo built in zoom hota hai wo optical na hokar digital hota hai. isliye photo lete waqt camera ko zoom mat kijiye kyunki wo actual mein zooming nahi hai.

Agar aap paas se kisi cheez ko capture karna chahte hain to zoom karne ke bajaye khud paas jaiye. Aap chahe to baad me photo ko crop kar sakte hain wo zyada better hai.

5. Experiment- Mobile cameras apne mobility ki wajah se rakhna zyada easy ho jate hain. ab kyunki ye aapki pocket me har waqt rehta hai to aap easily kisi bhi jagah apni presentation remembring bana sakte hain. Ab ise aap kisi bhi angle se pakad sakte hain kyunki grip fit hoti hai jisse aap kisi ki knowledge me na aakar bhi photo le sakte hain.

bahut si jagah aisi hoti hain jahan aapko camera le jane ki permission nahi hoti lekin aap chupchap apne camera phone se kisi ko bina bataye bina position liye photo le sakte hain. aur mostly sabhi mobile cameras me self timer hota hai to aap timer set karke use kahin bhi rakh ke photos le sakte hain.

To freinds ab main samajhta hu aapke liye apne mobile camera se photography kuch intresting ho hi jayegi.

take care

Read More

Take screenshots of any website

Agar aap kisi webpage ko image me save karna chahte hain jisse aap baad me use kisi aur ko dikha sakein to aap is website ki help se aisa kar sakte hain. bas aapko itna karna hai ke jis website ka screenshot aap lena chahte hain uska url aapko likhna hoga aur kuch hi der me us website ka full page screenshot aapke samne ready ho jayega jise aap save kar sakte hain. aur sabse achi baat ye hai ke ye website aapke mobile par bhi kaam karti hai. kyunki PC par to screenshot lene ke bahut sare tarike hain par mobile par ye zara mushkil hota hai.

Image par click karke website par jayein

Read More

A must Uninstaller for your PC

Waise to windows me in built hi Add or remove programe application hoti hai jiski help se hum koi bhi software uninstall karte hain. lekin kya aap jante hain ke koi bhi software uninstall karne ke baad bhi uska kuch hissa PC me hi reh jata hai jise na to hum find kar paate hain aur na hi remove. jisse wo file bekar me hi system me reh jati hain.

kuch problems hamein tab bhi dekhne ko milti hain jab hum koi freeware product system me install karte hain. aise freewares ke sath kuch extra tools jaise toolbars automatically install ho jate hain jo kai baar remove karne par bhi remove nahi ho pate.

Aapki ye sabhi problems Revo Uninstaller door kar sakta hai. ye kisi bhi software ko completely system se remove karne me ekdum mahir hai. aur aap jis software ko remove karenge ye uski registry value bhi find kar dega jise aap easily delete kar sakte hain.

Revo uninstaller yahan se download karein

Take care freinds

Read More

Download Windows 8 Release Preview

Windows banane wali company microsoft ne windows 8 ke consumer preview ke baad Windows 8 Release preview version launch kar diya hai.

Aap iske baare zyada information chahte hain to micorosoft ke official page par jakar le sakte hain.

Download karne ke liye is page par jaiye. Download ke liye direct link niche de raha hu. Ye file iso format me hain

Windows 8 Release preview 64-bit (3.3 GB)

Windows 8 Release preview 32-bit (2.5 GB)

iski product key ye hai jo apko iske page par bhi mil jayegi


 TK8TP-9JN6P-7X7WW-RFFTV-B7QPF


Agar aap in file se bootable dvd banana chahte hain to ye post padhiye


Take care friends

Read More

Cadillacs and dinosaurs(Mustafa) download for free

Ye wo game hai jo sabhi ne kabhi na kabhi playstation par zaroor khela hoga. main to personally video games ka bahut shaukeen raha hu to maine lagbhag sabhi games khele hain aur kuch games to mujhe bahut zyada pasand the jisme se ek yahi tha.

Cadillacs and dinosaurs ke alawa isme aur bhi bahut se games hain jaise pang world, batman, mario, etc.

Ye game ek zip folder me dowonload hoga. isko unzip karne ke baad isme mame32 naam ke icon par click karke ise start kar sakte hain.

isse pehle bhi main Tekken 3 par post di thi aap use yahan jakar dekh sakte hain.

Cadillacs and dinosaurs yahan click karke download karein

Read More

An essential video player.

Maine isse pehle bhi bahut se video players par post di hai. aur aaj bhi mujhe ek aisa player mila jo sachmuch kamaal ka hai. waise to zyadatar log VLC ka hi use karte hain jo apne aap me ek complete player  hai wo bhi free. lekin kabhi kabhi HD videos vlc me ruk ruk kar chalti hain, is problem ke liye aap ye naya player download kar sakte hain. jiska naam hai QQplayer.

Ye mostly sabhi format ko support karta hai VLC ki tarah hi. aur isme aapko in built tools bhi milenge jaise Converter, gif creator, snapshots, video joiner.

In sab specialities ki wajah se ye sirf ye video player nahi reh jata. balki ek aisa software ban jata hai jo aapke kai jagah kaam aayega.

QQplayer yahan se download karein


take care friends

Read More

How to remove "You may be a victim of software counterfieting" message

Aise bahut se log hain jinka system open hote hi unke saamne genuine windows ka message aa jata hai aur wo desktop par appear hone ke baad jaata bhi nahi. jab windows start hoti hai to sabse pehle ye message dikhata hai.

uske baad computer open hone ke baad ye message desktop par right corner mein niche ki taraf dikhta rehta hai.

ye problem unke sath hoti hai jo apne system me automatic updates on rakhte hain ya fir piracy CD se windows install karte hain. sabse acha tarika to yahi hai ke aap apne paas ek xp ki genuine CD rekhein agar aap afford kar sakte hain. aur agar aap aisa nahi karna chahte to bhi aap is message ko remove kar sakte hain. bus kuch steps follow karne honge.

sabse pehle C:\WINDOWS\system32 foder mein jayein, aur jin logo ne windows kisi aur partition me install ki hai pehle wo us partition me jayein fir WINDOWS aur fir system32 folder me jayein.

ab is folder me 2 file find kijiye jinke naam wgalogon.dll aur wgatray hai. ye dono ek sath mil jayengi. files mil jaane ke baad aap inhe rename kar dijiye kisi bhi dusre naam se.

thats it!!!!!! ab apke samne ye problem nahi aayegi. aur agli baar bhi aap is message se bachna chahte hain to apne automatic updates off rakhein.

take care freinds

Read More

Teach your friends, How to googling.

bahut se friends aise hote hain jo kuch mehnat nahi karna jaante sab kuch aapse hi puchne ki koshish karte hain. lekin friends hain to hamein unki help to karni hi hogi.

waise to har koi ye janta hai ki google ka kya use hai aur is par kaise searching ki jati hai. lekin fir bhi kuch log hain jo bilkul ye nahi jaante. aur kuch freinds aisi bhi hote hain jo aapse door hain lekin wo aapse hi help chahte hain to. is sabke liye aap ye site use kar sakte hain jo batayegi ki googling kaise ki jati hain.

jab aap iska use karenge to ye apko intresting bhi lagegi.

aap sabse pehle is site par jaiye aur koi bhi query ya jo bhi aap search karna chahte hain wo type kijiye. aur Google search par click kijiye. aisa karte hi ek link create ho jayega jo aap kisi bhi freind ko send kar sakte hain.

wo link use automatically ye batayega ki kis tarah google par search karna hai. to ek baar try zarur kijiye aur ise bookmark bhi kar lijiye. future me zarurat zarur padegi.

take care..happy summer

Read More

Find similar sites to what you like already

kabhi kabhi jab koi information hum net par search karte hain aur satisfy nahi ho pate to sochte hain kash is jaise kuch aur sites hoti to hum information le pate. is jaisi hi kuch problems ko door karne ke liye aap ek site ki help le sakte hain jo apko bina mehnat kiya ek site jaisi kai aur sites aapko automatically find karke degi.

bas aapko kisi ek site ka naam search box me type karna hai aur enter hit karna hai uske baad us jaisi kai aur sites aapke saamne  hongi. ummid karta hu ye site kabhi na kabhi aapke zarur kaam aayegi.

website par yahan click karke jayein

Read More

Get back your blogspot.com domain

Aaj kal blogger me aap log dekh rahe honge ke jinka blog india me hai unka domain blogspot.com ki jagah par blogspot.in dikha raha hai. agar koi blogspot.com url type karta bhi hai to blogger usko blogspot.in par hi redirect kar deta hai. ye koi problem nahi hai bas blogger ne Country-Specific Domains service start kar di hai. jisme abhi tak jo list main dekh paya usme total 15 countries hain jinpar ye apply ho chuka hai. jaisa india me .in hai aur pakistan mein .pk. main niche list de raha hun jinme blogspot ka url country-specific redirection ke base par dikhayega.

India [blogspot.in]
Australia [blogspot.com.au]
UK [blogspot.co.uk]
Japan [blogspot.jp]
New Zealand [blogspot.co.nz]
Canada [blogspot.ca]
Germany [blogspot.de]
Italy [blogspot.it]
France [blogspot.fr]
Sweden [blogspot.se]
Spain [blogspot.com.es]
Portugal [blogspot.pt]
Brazil [blogspot.com.br]
Argentina [blogspot.com.ar]
Mexico [blogspot.mx]

lekin problem ye hai kuch bloggers ko ye pasand nahi.to agar wo chahein to country-specific domain ko rok sakte hain jisse unka blog fir se blogspot.com par ridirect karega. iske liye aapko niche diya gaya code template me add karna hoga. lekin template me kuch bhi change karne se pehle aap apne blog ke template ka backup zarur le lein. jisse aage kuch problem aane par aap wapas use restore kar sakein.

Sabse pehle apne Blogger dashboard me jakar Template ko choose kijiye.Fir Edit HTML par click karne ke baad Proceed par click kijiye.

Ab template me <head> tag ko find kijiye. aap iske liye Ctrl+F ka use bhi kar sakte hain. aur thik <head> ke niche ye code paste kar dijiye.

<script type="text/javascript">
var blog = document.location.hostname;
var slug = document.location.pathname;
var ctld = blog.substr(blog.lastIndexOf("."));
if (ctld != ".com") {
var ncr = "http://" + blog.substr(0, blog.indexOf("."));
ncr += ".blogspot.com/ncr" + slug;
window.location.replace(ncr);
}
</script>

Ab aapke blog ka url .blogspot.com par hi redirect karega.

take care freinds

Read More

Switch Facbook updated photo viewer to Classic.

Facebook ne recently bahut sare major changes kiye hain. jisme new photo viewer bhi shamil hai. jise facebook ne Google+ ki tarah design kiya hai. ab jab bhi aap photo par click karenge to wo ek pop-up me open hota hai. jisme apko comment padhne ke liye page ko scroll karne ki zarurat nahi hai photo viewer page par khud adjust ho jata hai. isme side me comments aate hain.

lekin agar apko facebook ka pehle wala photo viewer pasand jisme photo pop-up ke bajaye page par hi show hote hain to aap use enable kar sakte hain kayi tariko se.

1. Jab photo viewer active ho tab F5 press kijiye ya phir apne browser me reload button ko hit kijiye.

2. Ya fir adrees baar me jaiye aur photo url ke last me se “&theater” string ko remove kijiye aur enter hit kijiye.


3. Aur sabse asaan tarika hai ki aap photo par click karte hue ctrl key ko hold kijiye jisse photo ek nayi tab me open hoga.


take care freinds

Read More

How to remove Facebook timeline

Mujhse bahut logo ne ye kaha ki facebook ki updated profile, jise facebook ne Timeline ka naam diya hai, hamein pasand nahi hai aur hum isko remove karna chahte hain. lekin main apko bata du ke agar aap  ek baar Timeline ko enable kar lete hain to fir ise remove nahi kar sakte chahe aap jo bhi tarika aazma lijiye.

lekin jo log Google chrome use karte hain wo Timeline ko kam se kam apne liye to remove kar hi sakte hain. Aapko ek chhota sa extension Chrome me add karna hoga. aur fir jab bhi aap apne Facebook profile me login karenge to aap apni purani  profile dekh payenge.

lekin dhyan rahe ye sirf aapko hi dikhayi degi aapke baaki sabhi profile visitors ko Timeline hi dikhai degi. yahan tak ki agar aap apne system me bhi Chrome ke bajaye kisi dusre browser se apni profile visit karenge to  bhi aapko Timeline hi dikhayi degi.

Google Chrome ke extension ke liye yahan click karein

Take care freinds

Read More

How to download torrent files with the help of IDM.

Torrent koi bhi file download karne ka ek behtar option hai lekin uski speed kafi kam hoti hai jisse torrent file download hone ne bahut time lagta hai.
torrent me hamein sabse pehle ek torrent file download karni hoti hai. fir ek software uTorrent download karna hota hai jo Torrent client hota hai. ise download karne ke baad pehle se download Torrent file par double click karke download start kar sakte hain. lekin ye bahut zyada time leta hai.

lekin hum koi bhi torrent file IDM ki help se download kar sakte hain, wo bhi torrent se jaldi. apko bas itna karna hoga jo bhi torrent file aap download karna chahte hain sabse pehle use download kijiye.

uske baad is site par jakar apni download ki hui torrent file ko upload kijiye. aur GO Free button par click kijiye.

Aisa karne ke baad agle page par niche Green colour ka download button aayega us par click kijiye.

iske baad ek window open hogi jisme apko Limited speed - Free par click karna hai. aisa karte hi apko torrent file IDM se download honi shuru ho jayegi.

Read More

Lock USB port for safety of your system

USB ko lock karne ka ek tarika main pehle bhi bata chuka hu jo aap manually bina kisi software ke kar sakte hain aap wo post yahan padh sakte hain. lekin us tarike main apko registry editor me changes karne hote hain. aur jo log IT ki thodi bahut hi knowledge rakhte hain unke liye registry editor me jakar editing karna safe nahi hai.

jaisa ke aap jante hain USB port mein hum external media lagate hain jinki wajah se kabhi kabhi system mein virus aa jata hai.  isliye jab aap ke piche aapka system koi aur use kar raha ho to aap USB port ko lock kar sakte hain. jisse virus system mein na aa paye.

Agar aap USB port ko lock karna chahte hain to is chote se software ki help se kar sakte hain.aur ye portable bhi hai to aap bina install kiye ise kisi bhi system mein use kar sakte hain.

software ko yahan se download karein

Read More

Chalo phir dhoond lein hum......

Chalo Phir Dhoond Lein Hum,

Usi Masoom Bachpan Ko...

Unhi Masoom Khushiyon Ko,

Unhi Rangeen Lamhon Ko...

Jaha Gham Ka Pata Na Tha,

Jaha Dukh Ki Samajh Na Thi...

Jahan Bus Muskurahat Thi,

Baharein Hi Baharein Thi...

Chalo Phir Dhoond Lein Hum,

Usi Masoom Bachpan Ko...

Ke Jab Sawan Barasta Tha,

To Us Kaghaz Ki Kashti Ko...

Banana Aur Duba Dena,

Bohut Acha Sa Lagta Tha...

Aur Is Duniya Ka Har Chehra,

Bohut Sacha Sa Lagta Tha...

Read More