Abhi kuch din pehle mere kuch freinds ne mujhse windows xp install/format karne ke tarike ke baare me pucha to maine socha is par ek post hi likh deta hu jo baad tak aise logon ke liye helpful hogi aur koi bhi easily ise seekh sakega.
windows ko install ya format karne ke liye aapke paas win xp ki bootable cd aur motherboard ke drivers hone chahiye. to chaliye fir shuru karte hain win xp install karna.
1. sabse pehle apne CD/DVD rom me xp ki bootable CD insert kijiye aur apne computer ko restart kijiye. fir F10 ya Del key press kijiye to apke samne BIOS setup open ho jayega. uske baad menu me first boot device ko find kijiye aur usme CD rom device ko select kijiye aur save kar dijiye. jisse system restart hote hi CD rom xp ki CD ko read kar le.
2. Restart hone ke baad system CD ko boot karne ke liye koi key press karne ko kahega to koi bhi key press kar dijye jisse setup shuru ho jaye. aur key press karne ke baad apke samne ek blue colour ki screen dikhai degi. jisme setup ki processing chalti rahegi. yahan agar apse aage badhne ke liye koi key press karne ko kahe to use press kar de warna abhi kuch karne ki zarurat nahi.
3. kuch der ke baad apke samne welcome to setup screen aayegi. usme 3 options honge. pehla option windows install karne ke liye, dusra option windows ko repair karne ke liye, aur teesra set up ko band karne ke liye. ab yahan par pehle option choose karne ke liye ENTER press karein.
4. ab aapke samne windows xp licensing agreement ki screen aayegi jise agree karne ke liye F8 press karein.
5. yahan apko hard disk ke partition dikhai denge ab jis bhi partition me aap windows install karna chahte hain use select karein aur ENTER press karein. windows mostly partition C:\ me hi install karte hain. uske baad format karne ke liye apke samne 4 options honge unme se "Format the partition using the NTFS file system" ko select kijiye.
6. ENTER press karne par wo partition format ho jayega aur new files hard disk me copy hona shuru ho jayengi.
7. kuch der baad computer restart ho jayega aur fir se boot karne ke liye koi key press karne ke liye kahega, lekin yahan apko koi key press nahi karni hai. iske baad computer graphical interface start ho jayega.
8. kuch der me apke samne language ka option aayega usme next karke aage badhein. iske baad personalize your software window apke samne hogi jisme aap Name me apna naam aur organisation me kuch bhi type kar sakte hain jaise apni company ya firm ka naam ya chahein to use blank rehne dijiye.
9. ye sab karne ke baad next par click karein uske baad aapse windows ki product key puchi jayegi jo 25 character ki hogi yahan wo product key(key apko CD ke sath mili hogi) type kijiye aur Next karke aage badhiye.
10. Next karne par apke samne Computer Name and Administrator Password screen ayegi jisme aap apne computer ka naam type karenge aur password ko blank rehne denge. fir next par click karenge. ye karne ke baad apke samne Date and Time Setting screein ayegi usme Date, Time aur Time Zone ko apne hisab se set kar lijiye aur next par click kijiye.
11. Kuch der baad screen par Networking Settings aayengi jisme Typical settings ko select karke Next par click karein. Iske baad Workgroup or Computer Domain screen ayegi jisme bina kuch change kiye Next par click kar dijiye.
12. kuch der me windows system me install ho jayegi aur computer restart ho jayega. aur display setting box ayega jise aap OK kar dijiye.
13. fir apke samne Help protect your PC screen ayegi jisme 2 options honge usme se "Help protect my PC by turning on Automatic Updates now" ko select karke Next par click kijiye.
14. uske baad "Will this computer connect to the Internet directly, or throug a network?" screen ayegi is step me niche Skip par click karein.
15. Ab "Ready to activate Windows?" ki screen ayegi jisme "No, remind me every few days" ko select karke Next click karein.
16. Next karne ke baad "Who will use this computer?" ki screen aayegi jisme aap 5 username type kar sakte hain lekin acha hai aap sirf ek hi username daalein aur Next par click karein.
17. Click karne par "Thank you" screen ayegi yahan aap Finish par click karein. iske baad apke saamne Windows desktop aa jayega jisme Recycle bin ka icon hoga. bas ho gayi apki windows install.
18. Iske baad sound aur graphics install karne ke liye computer drivers ki CD lagaiye aur drivers install kar lijiye..
Ummid karta hu is sabke baad apko Windows xp install karne me koi problem nahi aayegi. lekin agar fir bhi problem hai to aap mujhe mail kar sakte hain.
Take care freinds keep in touch
7 comments:
Hello brother agar hame pc or laptop me mobile dwara internet chalana ho to kaise chalaynge.....?????
plezzz tell me
stape by stape
ok..thanxx
Sir Mere pass window7 ultimate ki moterboard ki cd hai. Kya wo window xp main install ho jayegi(i means running hogi)?
mera aapse ek aur Q. hai- window xp aur professional ko instaal karne ka same sequence hai ya alag?
मेरे DELL LAPTOP INSPRAN N5050 मे WINDOWS 7 पडीँ हैँ मै उसमेँ XP डालना चाहता हूँ लेकिन ERROR MASSAGE प्राप्त होता हैँ क्या करु कोई भी भाई मुझे अवश्य बतायेँ।
bhai bohat ache shearing hy "excelent"
sir aap mujhe windows 7 install karna batayiye
Realy grt sir
Windows 7 install karna ho pc me kaise kare step to step bataiye
Post a Comment